An Ode to Layla Majnun

آہستہ قدم رکھیو تو اے ناقۂ لیلیٰ مجنوں کا بندھا آتا ہے دل گام سے تیرے۔ میر حسن۔ فریاد کو مجنوں کی سنے کون جہاں ہوں،لکھوں دل نالاں جرس محمل لیلیٰ۔مصحفی غلام ہمدانی۔ عالم غبار وحشت مجنوں ہے سر بہ سر،کب تک خیال طرۂ لیلا کرے کوئی۔مرزا غالب۔ کانٹوں سے یہ کہہ رہی ہے لیلیٰ مجنوں مرا برہنہ پا ہے ارشد علی خان قلق جنگل جنگل شوق کے مارے ناقہ سوار پھرا کی ہے مجنوں جو صحرائی ہوا تو لیلیٰ بھی سودائی ہوئی۔ میر تقی میر کیا نقش میں مجنوں ہی کے تھی رفتگی عشق لیلیٰ کی بھی تصویر تو حیران کھڑی ہے۔ میر تقی میر۔ مجنوں بھی نہ رسواے جہاں ہوتا نہ وہ آپ مکتب میں جو کم آتی پہ لیلیٰ تھی دوانی۔ میر تقی میر۔ کہیں شام و سحر رویا تھا مجنوں عشق لیلیٰ میں ہنوز آشوب دونوں وقت رہتا ہے بیاباں میں۔ میر تقی میر۔ آہستہ قدم رکھیو تو اے ناقۂ لیلیٰ مجنوں کا بندھا آتا ہے دل گام سے تیرے۔ میر حسن۔ محبت اب تلک رکھتی ہے یہ تاثیر مجنوں میں کہ بن لیلیٰ نہیں کھنچتی کہیں تصویر مجنوں میں۔ سنتوکھ رائے بیتاب